வாழ்த்து

என் இனிய இசை குயிலே
நம் பயணம் இவ்வாழ்வில்
கரடு முரடாக அமைந்தாலும்
நீ போகும் பாதையில்
ஒரு நிழல் தரும் மரமாய்
உன் தாகம் தீர்க்கும் ஓடையாய்
உன் களைப்பு தீர்க்கும் தென்றலாய்
ஒரு குளிர்ச்சி நல்கும் நிலவாய் இருப்பேன்
உன் பயணத்தில் பாதம் வலிக்காதிருக்க
உன்னை தாங்கும் மென் புற்களாவேன்.

புவி போற்றும் பணிவும்
செருக்கற்ற நற்குணங்களும்
பாரதி கண்ட துணிவும் கொண்டு
விடாமுயற்சியுடன்
தடங்கல் தரும் கற்களையும்
வெற்றி படிக்கட்டுகளாக்கி
தோல்வியை தோற்கடித்து
வீர நடை போடுவாயாக

உலகம் உன்னை அறியும் நாளில்
என் விழியோரம் துளிர்க்கும்
ஆனந்த கண்ணீரில்
பெருமிதம் கொண்டு
மனமார உன்னை வாழ்த்துவேன்
துளியும் தாமதமின்றி
சாதிக்க புறப்படு சாதிக்க பிறந்தவளே !

 

I totally agree. Wanted to change that avasarathula pottutten

 

நன்றி பெரியம்மா....