மன்னிப்பாயா என் அன்னையே

அடுக்கடுக்காய் வீடு கட்டி
உன் மேல் பாரத்தை வைத்து
ஆகாயத்தை தொட துடிக்கும்
என்னை மன்னிப்பாயா பூமி தாயே

ஆழ்துளை கிணறு வெட்டி
உன்னை குத்தி கிழித்து
பாதாளத்தை பார்க்க நினைக்கும்
என்னை மன்னிப்பாயா பூமி தாயே

நீ வரும் பாதை எல்லாம்
சாய நீர் கழிவு நீர் கலக்கி
உன் அழகை மாசு படுத்தும்
என்னை மன்னிப்பாயா நதி அன்னையே

நான் சுவாசிக்க நல்ல காற்று தந்த
நான் புசிக்க நல்ல காய்கனிகள் தந்த
நான் குடிக்க நீர் தரும் மழை தந்த
உன்னை அழிக்க நினைக்கும்
என்னை மன்னிப்பாயா மலைமகளே

பத்து மாதம் சுமந்து பெற்ற அன்னையை
காலால் எட்டி உதைப்பது போன்றதே
நாம் இயற்கையை அழிக்க நினைப்பது
தவறுகளை திருத்தி கொள்வோம்
உலகம் உய்ய செய்வோம்

 

உங்கள் பாராட்டுக்கு நன்றி லதா.

 

நன்றி ப்ரியா.எல்லை மீறினால் என்ன நடக்கும் என்று நாம் சில இயற்கை சீற்றத்தை கண் கூடாக பார்த்திருக்கிறோம்.

 

நன்றி ரமா.அந்த இனிய நாளுக்காக நானும் ஏங்குகிறேன்.

 

நன்றி சரோஜ்.நம் அன்னையை பாதுகாக்க நாம் அனைவரும் முன் நிற்போம்

 

இந்த பதிவை மீண்டும் பதிவு செய்கிறேன்.பூமி தாயே எங்களை மன்னித்து விடுங்கள்