பதினாறும் பெற்று பெரு வாழ்வு வாழ்க

பதினாறும் பெற்று பெரு வாழ்வு வாழ்க

பொதுவா இப்படி யாரும் வாழ்த்தும் போது ஒடனே ரொம்ப புத்திசாலித்தனமா கவர்ன்மென்ட் ரெண்டுக்கு மேல கூடாதுன்னு சொல்லிர்க்கே அப்புறம் பதினாறு எதுக்கு அப்டீன்னு என்னவோ கவர்ன்மென்ட் சொல்லறதை அட்சரம் பிசகாம செய்யற மாதிரி பீலா விடற நெறைய பேரை நாம பாத்திருக்கோம்.... இன்னும் சிலர் அதோட அர்த்தமே தெரியாம "நன்றி" அப்டீன்னு சொல்றதை பார்த்திருக்கோம். நான் இப்படித்தான் இருந்தேன் ரொம்ப நாளா....

அப்படி என்னதான் இருக்கு இந்த பதினாருல-ன்னு ரொம்ப நாளா எனக்கு தெரியலை. அப்புறம் ஒரு சுபயோக சுபதினத்தில இந்த வார்த்தைகள் எனக்கே வாழ்த்தா வர, வாழ்தினவரையே கேட்டுட்டேன்...

அதுக்கு அந்த பெரியவர் ஒரு செய்யுளாவே சொன்னார் அதை.

கலையாத கல்வியும் குறையாத வயதும்
ஓர் கபடு வராத நட்பும்,
கன்றாத வளமையும் குன்றாத இளமையும்
கழுபிணியிலாத உடலும்,
சலியாத மனமும் அன்பகலாத மனைவியும்
தவறாத சந்தானமும்,
தாழாத கீர்த்தியும் மாறாத வார்த்தையும்
தடைகள் வராத கொடையும்,
தொலையாத நிதியமும் கோணாத கோலும்
ஒரு துன்பமில்லாத வாழ்வும்,
துய்ய நின் பாதத்தில் அன்பும் உதவிப் பெரிய
தொண்டரோடு கூட்டுக் கண்டாய்
அலையழி அறிதுயிலும் மாயனது தங்கையே
அதிக்கடவூரின் வாழ்வே
அமுதீசர் ஒருபாகம் அகலாத சுகபாணி
அருள்வாய் நீ அபிராமி...

ரொம்ப அழகா பாடிட்டு அவரே அதுக்கு பொருளும் சொன்னாரு. கேட்டு தெரிஞ்சதுக்கு அப்புறம் மனசுக்கு ரொம்ப நிறைவா இருந்தது...

1. கலையாத கல்வி
2. குறையாத வயது
3. கபடில்லா நட்பு
4. கன்றாத வளமை
5. குன்றாத இளமை
6. பிணியில்லா உடல்
7. சலிப்பில்லா மனம்
8. அன்பான வாழ்க்கை துணை
9. தவறாத மக்கட்பேறு
10. குறையாத புகழ்
11. வார்த்தை தவறாத நேர்மை
12. தடையில்லாது தொடரும் கொடை
13. தொலையாத செல்வம்
14. பராபட்சம் இல்லாத அரசு
15. துன்பம் இல்லாத வாழ்க்கை
16. இறைவனின் அருள்

இந்தப் பதினாறும் எனை விட்டு விலகாம இருக்கணும்-ன்னு அபிராமி பட்டர் அவரோட பாட்ல சொல்லி இருக்கார்.

இதை தான் நம்ம பெரியவங்களும் பிறரை வாழ்த்தும் போது சொல்றாங்க. இத்தனை நல்ல விஷயங்கள் நம்மோட இருக்கணும்-ன்னு இனி யாரும் வாழ்த்தும் போது நாம அதோட பொருள் உணர்ந்து சந்தோசப் படுவோம். நாமளும் இப்படி வாழ்த்துவோம் மத்தவங்களை....

இதோ நான் துவங்கிட்டேன்... "அனைவரும் பதினாறும் பெற்று பெருவாழ்வு வாழ்க"

 

வலையை விட்டு வெளியே எங்கள் பக்கங்களுக்கும் வந்தமைக்கு நன்றி ஸ்பைடர் மேன்

எதிர்பாராத வருகை, மிக்க மகிழ்ச்சி.

பதினேழாவது சந்தேகம் இல்லாம அதிர்ச்சிதான்.

 

அம்மா,

உங்கள் அன்போடு கூடிய இந்த வாழ்த்து எனக்கு மிகவும் நிறைவு தந்தது அம்மா. நீங்க சொன்னா தப்பா இருக்குமா என்ன ??!!

ஆய கலைகள் அறுபத்தி நான்கு.... அடுத்து நான் எழுத வேண்டியது எதைப் பத்தி-ன்னு நீங்க சொல்லிடீங்க மா.:idea எழுதிடறேன்

 

ஐஷு,

உண்மைதான் நீங்க சொல்றது. பெரியவங்க நம்ம நல்லதுக்கு சொன்ன சில விஷயங்களை நமக்கு தெரியாத காரணத்தாலே அதை சில நேரங்கள்ல புறக்கனிக்கறோம். அதுல இதுவும் ஒன்னு.

உங்களுக்கு என் பதிவு பிடிச்சதுல எனக்கு ரொம்ப சந்தோசம். நன்றி