இக்கரைக்கு அக்கரை பச்சை...............

நம்ம எல்லாரோட மனசிலயும் வந்த போற எண்ணம் தான் என்னுடைய இந்த பதிவின் தலைப்பு.சிலருக்கு இது அடிக்கடி ஏற்படும்.சின்ன வயசிலயே நமக்கு இந்த எண்ணம் வரும்.

எனக்கு சின்ன வயசில் ஸுகூல் ஹொம்வோர்க் செய்யும் போது "வளர்ந்து பெரியவங்களாயிட்டா இந்த தொல்லை எல்லாம் இருக்காதேன்னு" நினைப்பேன்.ஆனா இப்ப பாருங்க,பேசுற ஸுகூல் பிரெண்ட்ஸ் எல்லாரும் திரும்ப அந்த காலம் வராதான்னு பேசிகிட்டு இருக்கோம்.

அடுத்தது கல்லூரி காலம்.அங்கிருக்கும் போது இந்த எண்ணம் பொதுவா எனக்கு செமஸ்டர் அப்ப மட்டும் தான் வரும்.சீக்கிரம் படிச்சு முடிச்சிட்டா இந்த டென்ஷன் இருக்காதேன்னு தோணும்.
இப்போ கல்யாணத்துக்கு அப்புறம் "காலேஜ்லேயே இருந்திருக்கலாமோ" அப்டினு நினைக்கிறேன்.

கோடை காலத்தில் பனிக் காலம் நல்லா இருக்கும், குளிரில் நல்லா தூக்கம் வரும் என்று நினைக்கிறோம்.பனிக் காலத்தில் குளிர் தாங்க முடியுதா? என்று நினைக்கிறோம்.

இந்த எண்ணத்தின் காரணம் என்னவென்று பார்த்தால் நமக்கு பிரச்னைகள் ஏற்படும் போது அல்லது கடினமான தருணங்களை கடக்கும் போது நமது மனதில் ஏற்படும் குழப்பங்கள் தான் இந்த எண்ணத்தை தோன்றச் செய்கின்றன.

சில சமயங்களில் அடுத்தவருடன் ஒப்பிட்டு பார்க்கும் எண்ணமும் வரும்.ஆனால் பிரச்சனை என்பது எல்லார் வாழ்விலும் உண்டு என்பதே உண்மை.

என்ன நான் சொல்வது சரி தானே ??????????